2022 წლის 11 აგვისტოს სოხმეთის ეკონომიკის მინისტრმა, ვაჰან ქერობიანმა განაცხადა, რომ საქართველო-რუსეთს შორის საბორნე მიმოსვლა დაიწყებოდა, რომლითაც სომხური სატრანზიტო ტვირთები ისარგებლებდნენ. საკითხთან დაკავშირებით სადეპუტატო კითხვით ეკონომიკის სამინისტროს ოპოზიციონერმა პაატა მანჯგალაძემ მიმართა.
ეკონომიკის მინისტრის, ლევან დავითაშვილის ოფიციალური პასუხიდან ირკვევა, რომ საბორნე გადაყვანების განხორციელების თხოვნით, საქართველომ მომართვა სომხეთის მთავრობისგან ივნისში მიიღო და შესაბამის სატრანსპორტო კომპანიებთან კონსულტაციები უკვე გაიმართა. ეკონომიკის მინისტრის განცხადებით, ბორანი ფოთის და კავკაზის პორტებს შორის იმოძრავებს.
ამასთანავე, ლევან დავითაშვილი განმარტავს, რომ საქართველოს სომხეთის ტვირთებისთვის საზღვაო გასასვლელის მიცემას საერთაშორისო კონვენცია ავალდებულებს.
“თქვენი მიმდინარე წლის 22 აგვისტოს 7571/3-62/22 წერილის პასუხად, რომელიც შეეხება რუსეთსაქართველოს შორის საბორნე მიმოსვლის თაობაზე ინფორმაციის მიწოდების საკითხს, გაცნობებთ, რომ საქართველოსა და რუსეთის ფედერაციას შორის 2005 წლის 10 იანვარს ხელი მოეწერა ,,საქართველოს ეკონომიკური განვითარების სამინისტროსა და რუსეთის ფედერაციის ტრანსპორტის სამინისტროს შორის ფოთი (საქართველო) – კავკაზის (რუსეთი) ნავსადგურების გავლით პირდაპირი საერთაშორისო სარკინიგზო-საბორნე მიმოსვლის ორგანიზების შესახებ“ შეთანხმებას.
მიმდინარე წლის ივნისში, სომხეთის რესპუბლიკის ეკონომიკის მინისტრმა თხოვნით მოგვმართა ფოთი-კავკაზის სანაოსნო ხაზზე საბორნე მიმოსვლის დაწყებასთან დაკავშირებით, რომელიც სომხეთის სახელმწიფოს პროექტია. აღნიშნული თხოვნის საფუძველზე გაიმართა კონსულტაციები შესაბამის სატრანსპორტო კომპანიებს შორის.
დამატებით გაცნობებთ, რომ სომხეთის რესპუბლიკა, რომელსაც არ გააჩნია ზღვაზე გასასვლელი, ტრადიციულად სარგებლობს საქართველოს ნავსადგურებით და აწარმოებს საერთაშორისო ვაჭრობას. ამ მხრივ ნიშანდობლივია, რომ საქართველო საერთაშორისო კონვენციის “იმ სახელმწიფოთა სატრანზიტო ვაჭრობის შესახებ, რომელთაც არა აქვთ გასასვლელი ზღვაზე” წევრია. აღნიშნული კონვენციის შესაბამისად, ზღვისპირა სახელმწიფოებთან თანაბარ პირობებში ზღვაზე თავისუფალი გასასვლელის გამოყენების მიზნით, ზღვაზე გასასვლელის არმქონე სახელმწიფოებს უნდა ჰქონდეთ ზღვასთან თავისუფალი დაშვება,”- ნათქვამია ეკონომიკის მინისტრის პასუხში.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…